Meiner justisministeren sendte eit tydeleg signal då ho besøkte kommunen

Justisminister Emilie Enger Mehl (Sp) varsla torsdag at det skal tilsettast fleire politifolk for å styrke beredskapen og det lokale politiet i heile landet. Av totalt 146 nye faste politistillingar i distrikta skal 16 nye komme til Sør-Øst politidistrikt.

– Eg forventar at Seljord no vert tilført kring 6-8 stillingar. Kontoret i Seljord og den lokale beredskapen er blitt særs redusert dei siste åra, seier Dahl Eide.

– Justisministeren er tydeleg i si forventning til at politimeistrane no prioriterer dei tenestestadane som Stortinget for snart 4 år sidan vedtok skulle styrkast. Tida for sentralisering av politiet er over, held ho fram.