Meiningsmåling: Ti år etter at ho forlet ordførarkontoret til fordel for Stortinget, ynskjer Solveig klubba att

Størst er Høgre som får 24,7 prosent i lokalavisa si måling. Ap får 24,0 prosent, medan Framstegspartiet får 14,8 prosent. Samla kjem dei tre partia inn med totalt 11 representantar i det 17 medlemmer store kommunestyret i Seljord – dersom VTBs måling blir valresultatet.

– Det er oppløftande – ei bra løypemelding, seier Solveig Sundbø Abrahamsen, ordførarkandidaten til Seljord Høgre.

Norfakta Markedsanalyse AS har spurt 150 personar busette i Seljord kommune om valet. Undersøkinga har ein feilmargin på 7,7 prosent. Verdt å merke seg er at 24 prosent har svara at dei ikkje veit kva dei vil røyste i lokalvalet.