Melder seg ut av partiet. – Dette er ei skam, eit svik og ikkje eit såkalla bonde- og distriktsparti verdig

Landbruksnæringa har tre ting dei vil ha på plass i denne stortingsmeldinga:

Det fyrste er å fjerne eller redusere den såkalla normeringsfaktoren. I forslaget til stortingsmeldinga var det ein faktor på 20 %, som er tenkt å kompensere for kor effektivt ein ser føre seg at garden kunne ha blitt drive. Effekten av å ha ein slik normeringsfaktor er at ein legg til inntekt som er tenkt, ikkje reell, før bondeløna skal samanliknast med lønsnivået ellers.

Det andre er å rekne same timetal i eit bondeårsverk som i årsverka til lønsmottakarar. I forslaget til Stortingsmeldinga ville regjeringa at bondeårsverket skulle innehalde 145 timar meir enn andre grupper ein vil samanlikne seg med. Det utgjer fire arbeidsveker.