Mona er ny rektor. – Eg har eit ønske om å gjere ein forskjell

- Det er i grunnen litt rart å tenke på at eg endar opp som rektor, eg som hadde som mål å bli politi då eg gjekk ut av grunnskulen i Steinkjer. 

Det skriv Mona Skaufel Seltveit i ein e-post til VTB. Ho har ikkje hatt ambisjonar om å bli leiar, men det siste året har ho vore konstituert rektor ved Tokke skule. Då stillinga vart lyst ut tidlegare i vinter, søkte ho og fekk stillinga. 

- Etter det siste året som konstituert rektor, bestemte eg meg, etter nokon rundar med meg sjølv, at dette vil eg gå for. Eg veit eg har med meg eit godt team i dei andre tilsette, som kvar dag gjer ein god jobb. Saman skal me utvikle skulen og ha barnets beste i baktankane heile tida.