Nå blir det fartsmåling i Mælefjelltunnelen
Samferdselsminister Knut Arild Hareide (KrF) stadfestar at det no blir gjennomsnittsmåling i Mælefjelltunnelen.
Gjennomsnittsmåling blir tatt i bruk i Mælefjelltunnelen og Ålesundstunnelane når nødvendig skilting er på plass, opplyser Samferdselsdepartementet i ei pressemelding onsdag.
– Me har lytta til bekymringane som har kome i samband med høg fart i tunnelane, og me har lytta til dei faglege råda me har fått. Eg er glad for at me nå får gjennomsnittsmåling så snart som mogleg, seier Hareide i pressemeldinga.
Artikkelen held fram under annonsen.
Det er Statens vegvesen som har søkt om å få gjennomsnittsmåling. Både Seljord og Hjartdal kommunar har trykt på for dette etter mange kontrollar som viste at mange køyrde altfor fort gjennom tunnelen. I pressemeldinga kjem det fram at det i Mælefjelltunnelen jamleg blir målt fart på meir enn 200 kilometer i timen.
– Med auka ulykkesrisiko som følge av dokumentert høg gjennomsnittsfart og hyppige brot på fartsgrensa, er vurderinga av alternative verkemiddel at streknings-ATK er det beste og mest kostnadseffektive trafikktryggleikstiltaket i desse tunnelane. Tunnelulykker har som kjent svært alvorleg skadepotensial, seier samferdselsministeren.
