Nå er to legekontor stengde, men nye legar er snart på plass

Smeland har leia legetenesta i Vinje i eitt år, men ho har nesten tjue års erfaring frå legedrift, og ser mykje positivt i Vinje. Medan mange stadar i Noreg nærast er i ei fastlegekrise, har fem av sju fastlegar i Vinje vore stabile i ti år.

Trass i denne gledelege statistikken, er Smeland klar over at det også er nokre utfordringar i kommunen. Særleg legekontoret i Edland har vore ustabilt i lengre tid, og nå vert det heilt stengt i nokre veker, samstundes som Rauland legekontor også har stengt.

– Det kjem av ulike årsaker som kan skje i eit arbeidstilhøve, som permisjonar, utdanning, kurs, sjukefråvær, tilsettingsprosessar og så vidare, forklarar Smeland.