Nei til utleigehytte i Nissedal

Århusodden, eigedomen til Veum, er på om lag 7 dekar, og ligg mellom Rv41 og Nisser. På eigedomen er der fem bygg frå før, ein einebustad der søkar bur, og fire andre bygg mest knytt til tidlegare butikkdrift.

Bygget er planlagd å stå på steinstabbar i bukta ved Kåsabekken, heilt nord på eigedomen. Sjølve hytta er tenkt lafta, om lag 4 gonger 4 kvadratmeter.

Arealet som er tenkt bruka er delvis landbruk-, natur- og friluftsareal, og delvis sjøareal regulert til «Bruk og vern av sjø og vassdrag med tilhøyrande strandsone». I begge er det eit generelt byggeforbod. Det er desse byggeforboda det er søkt dispensasjon frå.