No er det færrast ledige i Vinje
Ved utgangen av august var 146 personar utan jobb i Vest-Telemark.
Færrast ledige er det no i Vinje. Her var 26 personar utan jobb ved utgangen av august. Det utgjer 1,3 prosent av arbeidsstyrken. Flest ledige i regionen er det framleis i Kviteseid. 35 arbeidsledige utgjer 2,8 prosent av arbeidsstyrken.
I Tokke er det 21 personar utan arbeid (1,8 prosent), i Fyresdal 14 (2,1 prosent), i Seljord 33 (2,2 prosent) og i Nissedal 17 (2,3 prosent).
Artikkelen held fram under annonsen.
Samla i Vestfold og Telemark er 4,4 prosent utan jobb.
Endå ferskare tal viser at lediggangen er ytterlegare på veg ned. Talet i Vinje var per 8. september 1,0 prosent, melder Nav.
