Nytt gaupefall i Kviteseid

Årets kvotejakt på gaupe blei starta 1. februar. Etter roviltnemndas fyrste tildeling av dyr til dei ulike jaktområda som kommunane i Vest-Telemark er del av, blei jakta i utgangspunktet stoppa 11. februar. Då hadde det for kommunane i vår region blitt felt ei gaupe i Fyresdal og ei i Kviteseid. 

Jakta blei opna att etter ei ekstra tildeling, og denne helga var det høve til å jakte på eitt dyr i jaktområde 2 som Kviteseid, Tokke, Vinje, Fyresdal og Seljord kommune er del av.