Nytt parti: «Heilt sidan SV forsvann ut av kommunestyret har Seljord vore utan ei fungerande venstreside – ikkje minst då Ap gjekk «til sengs» med Høgre»

Listetopp for Raudt Seljord, Ivar Barstad, seier at partiet stiller til val for å fylle eit vakuum i lokalpolitikken.

– Heilt sidan SV forsvann ut av kommunestyret i 2015 har Seljord vore utan ei fungerande venstreside – ikkje minst då Ap same året gjekk «til sengs» med Høgre. Det er viktig å ha ei motvekt til dei etablerte partia i kommunen, og alle som ønskjer ein annan kurs bør sjå vår veg, meiner Barstad.

Han seier Raudt sine store liner handlar om å redusere forskjellar, trygge arbeidsliv, verne om miljø og sikre god, profittfri velferd.