Opnar ny restaurant til påske

Lokala i Tveitsund, der det tidlegare var sportsbutikk, er nokså forandra. Veggane er nymåla og hyller er bytta bort med kafebord og stolar. Om ikkje lenge opnar Yvonne og Leo Kievit ny restaurant her. Bygget ligg ikkje langt frå den gamle Tveitsundbrua og har fått namnet Restaurant den gamle bru. 

Har drive kafe før

Paret, som tidlegare dreiv Fjonesundet kafe, har grubla ei god stund på om dei skulle starte opp ny restaurant. I fjor sommar såg dei i avisa at lokala som tidlegare har husa sportsbutikken var til leige. Dei tok kontakt med eigaren og var på visning.