Ordføraren er imponert over nykomarane; sjølv fekk han ein liten kalddusj

Sp er framleis det største partiet i Vinje, men sylv- og bronseplassen har INP og den tverrpolitiske bygdelista kapra.

– Eg har vore så naiv at eg har trudd på gallupen til VTB, og det legg jo litt mentale føringar, vedgår Kleven.

– Eg sa jo då den kom at meiningsmåling er meiningsmåling, og det viste seg jo å gjelde, det. Det er ikkje lett å gjette valresultat – eg hadde ikkje gjetta at me fekk 14 mandat for 4 år sidan heller.