Over 7.400 kvalifiserte søkjarar fekk tilbod om studieplass i suppleringsopptaket, men framleis er over 16.500 kvalifiserte søkjarar med i opptaket, utan tilbod om studieplass. Illustrasjonsfoto: Lise Åserud / NTB / NPK
Over 7.000 får tilbod om studieplass i suppleringsopptaket
Etter suppleringsopptaket til universitet og høgskular har 81,7 prosent av søkjarane fått tilbod om studieplass, 2 prosentpoeng fleire enn ved hovudopptaket.
Totalt har no 113.514 personar fått tilbod om studieplass via Samordna opptak. Dette utgjer 81,7 prosent av dei kvalifiserte søkjarane, same prosentdel kvalifiserte som etter suppleringsopptaket i fjor.
Samordna opptak opplyser til NTB at det ikkje er store endringar i årets suppleringsopptak samanlikna med tidlegare år.
I suppleringsopptaket er det sendt ut 12.107 tilbod, der nokre søkjarar får fleire tilbod. 7.456 ulike søkjarar får no tilbod, av dei 3.394 er søkjarar som stod utan tilbod i hovudopptaket.
5 veker - 5 kr
Deretter 189 per månad
Inga binding
KJØP
