Overtek 200 meter av vegen

Det er tilrådinga frå Landbruk, miljø og teknisk utval i Tokke kommune til kommunestyret.

Veglaget Byrtedalsvegen SA søkjer om forlenging av kommunal drift av veg, om lag 200 meter vidare frå der Byrtedalsvegen i dag går over frå kommunal til privat drift.

I dag er det vanleg praksis at kommunen berre tek over/etablerar nye vegar når kommunen sjølv kjøper opp eigedomar, regulerer til til dømes bustadfelt og tek grunnlagsinvesteringane med veg, vatn og avlaup. I dette tilfellet gjeld søknaden ei forlenging av kommunal drift, langs ein samleveg i Byrte.