På skisentera er dei optimistar før påska. – Har produsert store mengder snø døgnet rundt

– Me har produsert store mengder snø døgnet rundt den siste veka, takka vere minusgrader, fortel driftsleiar Stein Birger Johnsen ved Rauland skisenter.

Rauland skisenter har hatt ein god sesong så langt og ligg omtrent ti prosent framfor fjoråret. Omsetninga i fjor var rundt 70 millionar kroner. Det er enno usikkert om den seine påska gjer at fleire har reist tidlegare på vinteren, noko som kan føre til lågare besøkstal i påska. Planane for den stille veka er likevel fastsette. 

– Kuldeperioden som har vore no, har redda oss. I fjor var vêret dårleg i påska og folk besøkte bakkane mindre, men me kompenserte med konsertar og kveldsarrangement i telt på parkeringsplassen. Desse arrangementa vil me også ha i år, fortel Johnsen.