To alternativ: Rv41 i Treungen skal få ny bruløysing. Den kjem anten ved Øyna (i midten bak) eller mellom dette området og gamlebrua frå 1918. Usemja er alt i gang om val av alternativ.
Privat
Planlegg ny riksvegbru: Statsforvaltaren og fylkeskommunen varslar alt nå motsegn
Nissedal formannskap ynskjer ny Rv41-bru i Treungen, frå Øyna til nedlagt campingplass. Det vil ikkje Statsforvaltaren og Telemark fylkeskommune gå med på. Det varslar dei før det er starta på reguleringsplan for området med den nye ferdselsstrekninga.
Fredag hadde Nissedal formannskap besøk av Statens vegvesen. Anne Janicke Nicolaisen, prosjektleiar innan drift og vedlikehald, og planleggingsleiar Thorbjørn Holte kom for å orientere om planane for ny riksvegbru i Treungen. Når dette storprosjektet er ferdig, skal den smale Tveitsund bru frå 1918 etter planen bli bare gang- og sykkelveg.
Vegvesenet opplyste til lokalpolitikarane og kommuneadministrasjonen om det som kan kome til å bli ei skikkeleg utfordring. Både Statsforvaltaren og fylkeskommunen har allereie varsla at viss ny bruløysing er tenkt frå fylkesvegen til Gautefall, bort til landområdet Øyna og bru derfrå til området ved den nedlagde campingplassen, vil dei reise motsegn på grunn av naturinteresser.
Jobbe med båe alternativa
5 veker - 5 kr
Deretter 189 per månad
Inga binding
KJØP
