Søket er no avslutta utan at biltjuven er funnen
Politiet har ingen grunn til å tru at biltjuven er farleg, men ber om tips i saka.
Operasjonsleiar Merete Kvaal i sør-aust politidistrikt stadfestar til VTB klokka 20.35 at søket no er avslutta, men at saka blir etterforska vidare.
– Er det nokon grunn til at folk bør vera uroa?
Artikkelen held fram under annonsen.
– Nei, me har ingen grunn til å tru at biltjuven er farleg, men me ber om tips om nokon ser noko, seier Kvaal.
Mange patruljar deltok i søket, og Kvaal seier dette blei gjort fordi det var praktisk mogleg og at dei såg sjansane for å lukkast i søket som større med fleire ressursar.
Stolen i Brunkeberg
Politiet fekk melding om funn av stolen bil i Seljord klokka 16.33. Ein person har stukke frå bilen og sprunge til skogs. Patruljar leita etter denne personen.
Innsatsleiar Else Krogseth Eilefstjønn i politiet uttala til VTBs utsende at bilen blei meld stolen frå Brunkeberg natt til i går. Delingar på Facebook gjorde at bilen blei oppdaga.
– Bilen blei observert av vitne på E134, seier Eilefstjønn til VTB, som legg til at det ikkje var politiet som stoppa føraren.
Totalt fem politibilar, inkludert hundepatrulje, var med i søket, melder VTBs mann på staden.
Helikopter var også med i søket i starten.
