Rådmannen meiner kommunen bør ta ein flyktningpause

Det kjem fram i sakspapira til oppvekst- og velferdsutvalet i Vinje som har møte neste veke. Kommunestyret har vedtatt at kommunen skal ta imot flyktningar til og med 2021, og skal nå ta stilling til om dei også er rusta til det i 2022. Rådmannen meiner kommunen ikkje bør ta imot nye flyktningar, utover familiegjenforeiningar neste år.

Han viser til at integreringstenesta i mars 2021 blei flytta frå Åmot skule til helse- og omsorgseininga. Oppgåveoverføringa synte at det var behov for ein gjennomgang av rutinar og retningsliner.

«Det er påpeika i samband med oppgåveflyttinga til helse og omsorg at integreringsarbeidet er langt meir krevjande samanlikna med tidlegare tider. Det er framleis tilfelle, og både helse og omsorg og Nav melder om høg ressursbruk opp mot relativt få brukarar,» skriv rådmannen.