– Eg trur takksemd må vera ordet etter årets Fasteaksjon. Rett under 340 000 vart samla inn i dei seks Vest- Telemark-kommunane. Nesten 200 var aktive i innsamlinga, telje, gå med bøsser, laga roder og køyre rundt.
– Takksemd fordi folk syner så stor solidaritet, og takksemd fordi me har ein slik situasjon at me har noko å gje, melder prostidiakon Eilev Erikstein.
Meldinga er at folk venta på å gje, mange hadde tatt ut kontantar, og stadig fleire var gode på vipps. Somme synest det er rart at Kirkens Nødhjelp held fram med fysisk dør til dør-innsamling i ei digital tid.
