Retten trudde på mannen som sa han ikkje hadde tent på huset sitt

Det var medan mannen var borte på arbeid det byrja å brenne i huset hans. Aktor meinte mannen i 40-åra sjølv hadde tent på for å få utbetalt forsikringsoppgjeret. Påtalemakta kravde fengsel i eitt år og to månader, i tillegg til å betale tilbake forsikringsoppgjer (315 143 kroner).

Mannen sa seg ikkje skuldig, og forsvararen hans bad om at han blei frifunne.

Ein kamerat av tiltala oppdaga brannen. Det var ikkje opne flammar då han kom til bustaden, men mykje røyk.