Rivinga er i gang i sentrum

Til sommaren er det to år sidan dei fyrste teikningane av det nye handelshuset vart lagt ut på høyring. Det vekte mange reaksjonar, og seinare har nye teikningar kome – desse har også skapt stort engasjement. Utviklinga av Åmot sentrum har vore tema i ytringar og lesarbrev, og det har også vore folkemøte om saka. 

Den politiske handsaminga av søknaden om rammeløyve til det nye handelhuset har tatt tid, og det var fyrst i februar plan- og miljøutvalet godkjente at det kunne gjevast rammeløyve. Når dette var i boks, tok det ikkje lang tid før arbeidet sette i gang.

– Rivinga skal vere ferdig før påske, opplyser Kyrre Eftedal i V-T Eiendomsforvaltning til VTB.