Seier nei til konsekvensutgreiing av eigedomsskatt

Rådmannen tilrådde å ikkje leggje forslaget frå Seljord Næringslag fram for realitetsbehandling, «då innbyggjarforslaget har same innhald som ei sak som er handsama av kommunestyret tidlegare denne valperioden».

– Avgjersla om eigedomsskatt er tatt, dette forslaget kan ikkje tolkast som anna enn eit forsøk på å få til ein omkamp om eigedomsskatten. Det kjem for seint, argumenterte Peter Fjågesund (MDG).

Bakgrunnen for innbyggjarframlegget var eit opprop i regi av næringslaget, som samla inn fleire hundre underskrifter til støtte for ei konsekvensutgreiing. Opposisjonen var ueinige med Fjågesund i at forslaget frå næringslaget kom for seint.