Vil til venstre: Suhail Mushtaq og Åshild Bringsvær-Sunde meiner sterke krefter sentralt i INP vil dra partiet langt mot høgre. Dei har meld seg ut av INP og inn i Det norske industripartiet (DNI).
Åshild Emma Solbjør
Seks INP-representantar i Vinje har gått over til nytt parti. – Men me står samla som lokalgruppe
INP-grunnleggar Owe Ingemann Waltherzøe har forlate Industri- og næringspartiet (INP) og starta Det norske industripartiet (DNI). I Vinje har tre av fire kommunestyrerepresentantar og tre av sju varamedlemmar meld seg ut av INP og inn i det nye partiet.
– Nokre ventar og ser, medan andre var tidleg ute, seier Åshild Bringsvær-Sunde om ut- og innmeldingane. Ho var INP sin listetopp i kommunevalet hausten 2023, og er no gruppeleiar for dei tre DNI-representantane i kommunestyret. Ho fungerer også som gruppeleiar for den attverande INP-representanten Knut Erik Jordstøyl, og understrekar at det ikkje er noko splid mellom lokalpolitikarane.
– Knut Erik er med på DNI-møta, og me står samla som lokalgruppe, seier Bringsvær-Sunde, som også understrekar at det lokale partiprogrammet ligg fast.
– Alle me som gjekk til val for INP i Vinje kjempar framleis for det me gjekk til val på.
5 veker - 5 kr
Deretter 189 per månad
Inga binding
KJØP
