Skal kurse eldre i å finne kvardagsgleda

Det er Elise Foldøy frå Kviteseid kommune og Regine Heimdal frå frivilligsentralen som skal halde kurset.

– Kurset, som er eit lågterskeltilbod, vil bli på møterommet på Kviteseid omsorgssenter, og kvar samling varar frå 2 til 2,5 time. Etter kvar kursøkt vil alle få ei øving som tar utgangspunkt i eigne erfaringar fram til neste samling, fortel Foldøy.

Heimdal og Foldøy har begge helsefagleg utdanning, men ulik yrkeserfaring, og gjennomførte instruktøropplæringa i haust. Nå gler dei seg til sitt fyrste kurs på nyåret, og har stor tru på konseptet som dei sjølv også har implementert i eigen kvardag.