Skatteetaten: – Sjekk skattekortet ditt no for å unngå overraskingar

Nye tal viser at rekordmange, 2,4 millionar menneske, har opna skattekortet sitt den første månaden etter at det blei gjort tilgjengeleg, skriv Skatteetaten i ei pressemelding.

Regine H. Vastvedt, fungerande divisjonsdirektør i Skatteetaten, forklarar at opplysningane i skattekortet avgjer kor mykje skatt ein blir trekt i 2025. Ho understrekar at sjølv om Skatteetaten har laga ein prognose, er det kvar og ein av oss som har ansvar å sjå til at tala blir korrekte.

Livsendringar som kan påverke skatten er mellom anna å bli pensjonist, å ha nedbetalt lån og få lågare renteutgifter, å begynne å leige ut ein bustad eller endringar i inntekt.