Skogbrannar herjar i Hellas. Brannmannskapa frå Vest-Telemark går inn i krigen mot flammane

– Dei eg har snakka med gler seg, men me er sjølvsagt også spente, ettersom det blir rett inn i krigen mot flammane, fortel varabrannsjef i Vest-Telemark, Torbjørn Lia dagen før avreise.

Noreg sender i desse dagar brannstyrker til Hellas for å hjelpe til med å sløkke dei kraftige skogbrannane som herjar i landet. 26 av til saman 28 i reisefylgjet er frå Telemark, og heile ni av brannmannskapet er frå vestfylket.

– Det var påmelding i vinter, og det var mange herifrå som var interesserte. Planen var eigentleg at me skulle ned for å øve, men ettersom det er så kraftige brannar no, blir det rett inn i sløkkearbeidet i staden, forklarar Lia.