Ein grasbrann utvikla seg til ein stor skogbrann på Karmøy. Meir enn 40 brannfolk jobba for å få kontroll på brannen i pinsehelga. Foto: Jan Kåre Ness / NTB/ NPK
Stor skogbrannfare i store delar av Sør-Noreg
Det er stor skogbrannfare i store delar av Sør-Noreg dei neste dagane. Særleg onsdag er faren stor.
Frå Vestland og rundt heile sørlandskysten, Innlandet og opp mot Trøndelag, er det raudt farevarsel for skogbrann onsdag, ifølgje Meteorologisk institutt.
Morgondagen byr på mykje vind, låg luftfukt og høg temperatur. Det er forhold som legg til rette for store og ukontrollerte brannar, åtvarar Haugaland brann og redning IKS.
Dei måtte i pinsehelga sløkkje ein større brann i utmarka på Karmøy.
