Tek over tidlegare kunde

Sidan Stein Rønningen starta opp Kviteseid Transportservice AS i 1999 har skipnaden utvida seg frå tømmerbil til busskøyring, og dei siste ti åra har dei vore hovudleverandør for busstransport for den Drangedalsbaserte skipnaden Tele Tur AS. Frå og med 1. februar i år blei banda mellom dei to selskapa endå tettare, då Kviteseid Transportservice tok over eigarposten i Tele Tur frå Drangedal Bilruter AS.

– Det starta med at dei tidlegare eigarane ville selje Tele Tur, mot mi vilje. Difor bestemte eg meg for å leggje inn eit bod, som vart godtatt, forklarar Rønningen.

Han seier overtakinga vil ha lite å seie på drifta.