– Tok betalt for leige av sju jaktterreng og ti jaktkort. Risikerer opp til fire års fengsel.

Ifylgje tiltala skal mannen teke betala for varer og tenester «han visste han ikkje hadde til hensikt å oppfylle» ved 16 ulike høve, utan at han nokon gong leverte det han selde. Dei fleste tiltalepunkta er relaterte til jakt; mannen skal ha teke betalt for leige av jaktterreng for rype og småvilt frå sju av dei fornærma, i tillegg til at han tok betalt for 10 falske jaktkort på villrein. Forutan jaktkorta og -terrenga skal vesttelen også ha teke betalt for hytteutleige, samt ha svindla folk ved å «selje» dei mobiltelefonar, skuterdelar og jaktoptikk.

Det samla beløpet i tiltalen er 135 850 kroner i månaden. Den høgaste enkeltsummen tok mannen frå eit jaktlag, han fekk overført 17 000 kroner som forskotsbetaling for seks jaktkort på villrein.

Strafferamma for paragraf 371 a i straffelova som mannen er tiltalt under er eigentleg to år, men ettersom det er snakk om fleire lovbrot, kan straffa doblast under paragraf 79 a av same lov.