Tone var tilbake då ho fullførte langløpsklassikar for 12. gong. – Eg hadde ein fin tur over fjellet

Den prestasjonen står det respekt av. Særleg ettersom ho framleis berre er 55 år gammal og kan ha mange år igjen i Birken-samanheng, dersom lysta og motivasjonen er der. Det er viktige element både for ho og alle andre som har lyst til å gå dei 54 kilometrane mellom Rena og Lillehammer. Det var for å ha eit treningsmål at Tone i år bestemte seg for å delta i Birkebeinerrennet igjen etter eit seks år langt opphald.

– Eg hadde ein fin tur over fjellet. Føremessig var dette eit av dei beste Birkebeinerrenna eg har gått. Det er som oftast vanskeleg å få til ski som er gode både i start- og målområdet, og ikkje minst på fjellet, når det er så store høgdeskilnader og for så vidt temperaturskilnader som det brukar å vere i Birken. Denne gongen var føret stabilt gjennom heile traseen, sa Tone etter å ha tilbakelagt nesten seks mil på blå ekstra-føre.

Klarte merket på nytt