Tradisjonsrikt gubberenn i Høydalsmo

Det 98. gubberennet vart arrangert i Oftebakken – der verdas fyrste premiert skirenn fann stad i 1866. Det var ei stund usikkert om dei fekk arrangere rennet som tenkt, på grunn av lite snø i bakken. 

Gubbelaget samarbeider med idrettslag rundt om i Vest-Telemark om å arrangere gubberenn, og  i år var det altså Høydalsmo IL som var arrangør.

– Vanlegvis er det veldig lett å bygge hoppbakke i Høydalsmo, men i år har det vore veldig spesielt. Takka vera ein enorm dugnadsinnsats så har me greidd det, seier Gunnar Ofte, medlem i gubbelaget og sjølvutnemnt leiar av arrangementskomiteen.