Vil byggje 20 nye studentbustader i Rauland

Det er venta at bygging av dei nye bustadene ved universitetsavdelinga i Rauland kan byrje i 2021.

Totalt er det søkt om å byggje 434 nye bustader i søraust. 250 er planlagt i Porsgrunn, 20 i Rauland og resten på Ringerike.

Studentskipnaden er i ferd med å ferdigstille 282 bustader i Bø, og har sidan 2016 bygd nærmare 1000 studentbustader i massivtre på fem ulike campus: Bø, Kongsberg, Vestfold, Ringerike og Drammen. Dei nye bustadene er planlagt bygd på same måte.