Vil folkefinansiere bok om Ingebjørg-album

Dersom boka blir ein realitet, går ho inn i serien Norske albumklassikarar, som blir utgjeve av Falck Forlag. Forleggar Christer Falck skildrar bokserien som «nerdebøkar på høgt nivå», og fortel at dei til no er i gang med over 25 bøker om plater frå diverse norske artistar, deriblant Arne Nordheim, Jan Garbarek, Razika, Gluecifer og Farmers Market.

Forlaget skildrar Månesinn som eit «sjangeroverskridande nybrotsverk som blandar både tradisjonelle og elektroniske instrument til ein miks av pop, folkemusikk og elektronisk musikk».

– På mange måtar er Månesinn startskotet for Bratland som låtskrivar, og artisten me kjenner i dag. Ein moderne norsk albumklassikar, konstaterer dei vidare.