Vil vente med å vedta sommarstengt barnehage

Saka som skulle handsamast gjaldt både opningstidene og ferieavviklinga i Vinjebarnehagen, som omfattar alle fire barnehagane i kommunen. 

Når det gjeld opningstider var forslaget frå administrasjonen å korte inn normalopningstida både morgon og ettermiddag, slik at denne blir 07.30–16.30. 

Dette handlar både om at små barn blir slitne av lange dagar, og at det er krevjande å få tak i nok tilsette, samstundes som det er få som nyttar den tidlegaste leveringa og seinaste hentinga. Med ei endring av normalopningstida kan ein då ha flest på jobb når det er flest barn i barnehagen, og berre opne dei avdelingane som trengst for å imøtekoma dei heimane som har behov for tidlegare levering eller seinare henting.