Automattyrrani

Femte mai las eg eit stykke i TA under vignetten «Sant å si».

Ei kvinne skriv om luka på lækjarkontoret der det no er uråd å betale for tenester på gamalt vis.

Eg har opplevd det sjølv:

Ein blir synt til ein automat.

Og blir ståande framfor eit framandt system som eit 'stutehovud'.

Her skal det stappast i kort og trykkjast kodar, og så må venlege kontorfolk til slutt koma og hjelpe for å få det til.

Kunne dei ikkje tent både tid og pengar på å ta imot betalinga med ein gong?

I luka?

Alt skal bli lettare for vanlege menneske, heiter det.

Kvifor må ein då dragast med slikt på lækjarkontoret i Åmot i Vinje?

Kjære Vinje kommune (kven du no er), det er kanskje best å vera så gamal at ein får døy frå all denne dumme utviklinga?

Ragna Kristiane Bø