Tøffe tak i snøvêret
Vinjes herrelag i fotball tok imot Stathelle laurdag i det som ei stund såg ut til å bli ein spennande kamp. Gjestene frå sørlegare strok tok leiinga 1-0, men så starta snøen å drysse over Åmot stadion, og Vinje gjekk opp i leiinga då veteranane Tommy Lindskog og Øystein Eriksen skåra kvart sitt mål i kulda.
Men snøen var ikkje nok til å skremme sydtelemarkingane. I andre omgang rakna det litt for heimelaget, og bortelaget vann dei fleste duellane. Stathelle la på både eitt, to og tre mål til, og vann til slutt 4-2.
