I Slovakia: Elisabeth Østensen (t.v.), Marina Løvik, Marike Osftad og Ulrikke Haugen Tverbekkmo går alle tredjeåret på veterinærstudiet i Košice.Sjur Mikal Dolve
Elisabeth (21) har flytta frå Seljord til Slovakia for å følgja barndomsdraumen: – Ville reisa litt vekk
Elisabeth Østensen (21) har flytta til Slovakia for å verta veterinær. Der gjekk det berre to veker før ho fekk seg hund.
På ein grøn flekk i utkanten av Košice, den nest største byen i Slovakia, trenar Elisabeth Østensen og hunden Borka. Borka følgjer lydig foten til Østensen medan dei går framover. Etter nokre meter får hunden påskjøninga han har venta på: ein gummiball å tyggja på.
Denne onsdagen har kring ti andre norske veterinærstudentar møtt opp til hundetreninga.
