Kameratane Dagfinn Nyland, Odd Lie, Sverre Bakken, Gunnar Holte og Arvid Syftestad på haiketur til Danmark i 1956

Desse kameratane var Dagfinn Nyland, Odd Lie, Sverre Bakken, Gunnar Holte og Arvid Syftestad. Me kan i alle fall prøve med ein haiketur til Danmark i fyrste omgang, vart me alle einige om.

Planlegging

Det var juli månad med sol og varme og alle fem hadde ferie. Alt låg til rette for ein haiketur rundt i nabolandet Danmark. Nokon av oss hadde vore til Danmark på tur som konfirmantar, lagt til rette av presten Ernst Orstad. Den gongen var me i Suldrup, Sønderup, sykkeltur til Himmelbjerget med sine 147 moh. og til byane Viborg og Ålborg. Danmark var liksom på kjente trakter. Alle hadde med sovepose, litt personlege ting og sjølvsagt danske kroner. Gunnar hadde i tillegg ordna med telt. Dette var eit telt utan botn - noko som var heilt vanleg på den tida. På campingplassane fekk me leige stråmatter som underlag. Ikkje veldig mjukt, men unge og aktive som me var – hadde ingen av oss problem med å sovne.