Hesteeventyr: Inger Valen har ti hestar. På Tortveit kan ein bli med på guida rideturar.Elin Fjalestad
På «Hesteeventyret» kan du overnatte i rom med utsikt og få guida tur
På ein av fjellgardane i Fyresdal driv Inger Valen med overnatting og opplevingar. Her kan du leige deg eit rom for natta og bli med på guida hesteturar.
Det var i 2017 at Inger Valen såg garden Tortveit til sals på Finn. Ho kjem frå Rogaland og har jobba både som trailersjåfør og mekanikar før ho flytta til Fyresdal.
Rogalendingen ynskte seg større plass. Det har ho fått. Tortveit er ein stor gard med fleire bygg. Her bur Inger saman med ti hestar, to geiter, tre grisar og ein hund.
