Sara vil gjere éin ting annleis neste gong ho reiser på vidda

– Det er no ikkje rart eg er glad i å gå i fjellet, når eg har vakse opp der eg har. Me bur i ein dal, og det er toppar rett utanfor døra. I dei siste åra har eg blitt meir og meir glad i det, fortel Sara Romtveit (17).

Dalen ho refererer til er Grungedal, i Vinje. I sommar pakka ho sekken og la i veg innover på Hardangervidda.

– Eg hadde lyst på ei ekstra utfordring og fann ei veke som passa. Då tenkte eg at «no gjer eg det, eg reiser på ein tur», fortel Sara.