Mange veit om mange gamle bygg i Arabygdi, Rauland, Kviteseid og Fyresdal. Men at Skafså har så mange er ikkje så kjent.
Nederst i Skafsåbygda ligg garden Brokka med fleire gamle bygg. Det mest interessante er stabburet som er frå før Svartedauen.
Brokka, som vart overtatt på papiret av Torstein Brokka Kveven (32) i 2015, ligg mellom Dalen og Åmdals Verk i Tokke kommune, og har vore i slekta til Torstein sidan 1906.
