Utsikt: Åsulv Edland likar seg godt i den nye leilegheita i området som har fått namnet Vannkunsten, der han kan sjå utover kanalane som snirklar seg kring husveggane.
Aslak Ringhus
– Vinje vil alltid vera heime
Trass i at han flytta heimanfrå for over 60 år sidan, fylgjer Åsulv Edland aktivt med på kva som skjer i Vinje. – Eg ser kommunestyra direkte på Facebook og måtte halde meg i skinnet for å ikkje blande meg inn i hyttedebatten, seier NRK-veteranen.
Det fyrste minnet Åsulv Edland har er frå 1948, då ein av brørne hans kom att frå tysklandsbrigaden. Frå dei neste åra minnest han ein god oppvekst, trass i at det av og til kunne vera tronge kår.
– Me var elleve ungar, og garden var ikkje særleg stor. Ikkje noko til å bli rik av akkurat – 15–20 sauer, 2–3 kyr, ein gris, hest og 5–6 høner, og mange munnar å mette.
– Eg følte eg hadde ein veldig god oppvekst og barndom. Eg mangla ingenting. Det var ei veldig fin bygd å vekse opp i. Det var ti–tolv gardar som låg nær kvarandre og me hadde det veldig harmonisk og fint, ingen var korkje rike eller fattige. Eg har ingen dårlege minne frå barndomen, konstaterer han.
5 veker - 5 kr
Deretter 189 per månad
Inga binding
KJØP
