Vertskap: Dagens vertskap på Waldenstrøm kafé; Regie (t.v.) og Jørn Wagner saman med Halyna frå Ukraina som har praksisplass/språktrening på kafeen ein dag i veka.
Erling Brauti
Waldenstrøm – staden med den unike kafékulturen
Waldenstrøm kafé i Kviteseid har vore ein kjent og kjær samlingsstad i Kviteseidbyen i fleire tiår. Dagens drivar kan feire 10-årsjubileum i år.
Det var familien Waldenstrøm som starta bakeri- og kafédrifta. Dei hadde svensk opphav på farssida, og budde i Lunde då ein stor barneflokk på 11 blei fødde. Fire av sønene var etter tur eigarar og drivarar av bakeri med bakeriutsal i Kviteseid.
Arne Waldenstrøm starta bakeriet i 1930-åra. Brørne Arthur og Georg dreiv så i nokre år før den yngre broren Karl Johan, «Kallemann», tok over i slutten av 1940-åra. Bakeri og utsal heldt fyrst til i bygg litt aust for dagens bygg. Desse bygga er nå rivne. I 1960 kom dagens bygg opp, og det blei i mange år omfattande drift med bakeri og kafé.
I dei beste åra var det 3–4 bakarar, ein sjåfør, ein pakkar og 3–4 tilsette i kafeen. Bakeriet leverte då varer til store delar av Vest-Telemark.
5 veker - 5 kr
Deretter 189 per månad
Inga binding
KJØP
