Både Ingerid og Johannes er tekne ut på juniorlandslaget

Vadder og Flaaten, som båe går for Morgedal IL, utgjer saman med Mathias Holbæk frå Vindbjart IL dei tre løparane frå Hovden skigymnas som er tekne ut på juniorlandslaget.

– Det er utruleg kult. Eg kjenner mange av løparane som er tekne ut godt, og gler meg stort til å koma i gang, seier Flaaten, som til hausten flyttar til Lillehammer for å satse på langrenn på fulltid.

– Det er veldig morosamt, og eg ser fram til å starte. Eg tenkte det kunne vera ein moglegheit for å bli tatt ut, i og med at det var resultata frå fjorårssesongen som låg til grunn, men eg var usikker på om dei kom til å ta ut nokon frå 2003-kullet i det heile, så det var stor stas då beskjeden kom, seier Vadder.