Gunhild hadde ikkje røpa sesongmålet sitt for mange: – Det kom nokon gledestårer etter målgang

Då VTB snakka med ordaldsjenta før sesongen sa ho at det «hadde vore moro å vera blant dei 15 beste» i enkeltrenn. Men eigentleg hadde ho endå høgare ambisjonar.

– Eg har hatt eit personleg mål om å ta ei topp-10-plassering i løpet av sesongen, men det har eg ikkje sagt til mange, seier Kvålseth til VTB etter å ha gått inn til 7.-plass på 5-kilometeren i Steinkjer.

Ho kjente seg tidleg sprek og fekk ein «god rygg» som ho nekta å sleppe.