Inger (25) er i ferd med å skyte Hønefoss til Toppserien

No er Inger og lagvenninnene på randen av eit smått sensasjonelt seriegull og opprykk til Toppserien. Høydalsmo-jenta og Hønefoss BK har seks poengs forsprang med tre kampar igjen å spele. Det skal mykje til for at opprykket glepp. Spesielt om dei sikrar poeng i den komande kampen mot Aalesund (2. november) – laget som ligg nærast på tabellen. Sunnmøringane var lenge i tet, men hausten har gitt magre resultat for dei oransjekledde.

– Eg er einig i at me har sett oss sjølve i ein svært god posisjon, men me tar ingenting for gitt. Me har tre tøffe kampar igjen, sjølv om to av dei er på heimebane, der me har plukka dei fleste poenga. Det gir oss tryggleik. Publikum har òg vakna. Me har hatt mellom 700 og 800 tilskodarar på fleire av kampane, og det betyr mykje å ha eit entusiastisk publikum i ryggen, seier Inger.

Vil helst avgjere heime