Kaisa (18) flyttar til USA for å satse vidare som målvakt

Den talentfulle målvakta har nett fullført tre år på toppidrettslinja i Skien. Kaisa fortel at ho var usikker på kva ho skulle gjere etter vidaregåande.

– Eg var inne på tanken om å ta eit friår og reise, men fann etter kvart ut at det kunne bli vanskeleg å kombinere med fotballsatsing.

Kaisa signerte med Odd i 2021, på same tid som ho skulle byrje på toppidrettsgymnaset i Telemark. Der hadde ho eit solid treningsmiljø utanfor skulen. Kaisa fekk nokre kampar med telemarksklubben, men har den siste sesongen vore på utlån til andredivisjons-laget Nanset. Sesongen i Nanset var ikkje heilt topp, men Kaisa fekk god kamptrening.