Kristine måtte endre på planane

– Eg vart sjuk rett før Hovudlandsrennet og fekk dessverre ikkje gjort det eg hadde planlagt på treningsfronten inn mot arrangementet. Det handla mest om å bli frisk nok til å gå, og det vart eg heldigvis. Det er litt kjedeleg at eg var langt unna toppforma i dei renna eg hadde mest lyst til å prestere i. Men det får eg ikkje gjort noko med, sa ho.

Kristine synest det var stort å gå i Holmenkollen, sjølv om ho hadde ein dårleg inngang til meisterskapen. Det er ikkje mange vekene sidan tiandeklassingen konkurrerte i det same anlegget. Då gjorde Rein-utøvaren ein god figur i Oslo Skifestival. Reinsviki har hatt fin utvikling det siste året, sjølv om ho seier at det framleis er eit stykke opp til dei beste.

Har stor glede av idretten