Lada opp til maraton med valkamp

– Det var verdt det når det gjekk så bra som det gjorde. Eg er kanskje vel så fornøgd med valet som med maratonløpet, sjølv om eg kom meg gjennom på anstendig vis. Oppladinga og inngangen til mitt tredje heilmaratonløp blei spesiell. For det var så hektisk mot slutten av valkampen, at eg ikkje fekk brukt joggeskoa så mykje som ønskeleg, seier Johre etter Oslo Maraton.

Den dedikerte Dalen-guten opplevde dei to-tre siste vekene før valet, at døgnet ikkje hadde nok timar. Det var mykje som skulle gjerast, og Johne sto på både tidleg og seint, for at eit av landets mest tradisjonsrike parti skulle gjere eit godt val. Den politiske rådgivaren og hans kollegaer var denne gangen, langt meir fornøgd enn sine politiske kollegaer i Arbeidarpartiet og Senterpartiet.

Har blitt ein hobby