Nå gler Gunhild (19) seg til ein normal langrennssesong

Når 19-åringen frå Ordal i januar igjen står på startstreken i eit noregscuprenn har det gått nesten to år sidan sist. I sesongen 2019/2020 blei ho nummer 44 samanlagt i 18-årsklassa. Sidan har det vore lite konkurransar. Sist noregscupsesong blei avlyst på grunn av koronapandemien, men nå er Gunhild Kvålseth rimeleg trygg på ein normal langrennssesong.

– Det har vore tøft å ikkje gå renn. Spesielt for hovudet. I starten var haldninga at dette skal me klare, men etter kvart blei det tyngre, seier 19-åringen, som heldigvis finn stor glede i å bevege seg og trene.

Men ho er usikker på kvar ho står samanlikna med dei andre i K19/20-klassa.